house warming 的大禮

近來, 朋友到仇人的家中作客, 丹妮有以下幾個建議:
1. 一入屋, 扮作好興奮, 唔除鞋, 行入屋, 仲要行到佢屋企的每一處
2. 記住high 粒鼻屎0係佢睡房張床
3. 食雞翼時, "不小心"跌左條雞骨, 大腳踢到佢sofa底, 有咁入踢咁入
4. 食薯片時, 不停講不停講, 周圍噴出薯片碎
5. 打開佢雪櫃, 將佢冰箱d食品, 放入下層
6. 臨走時, 0係佢個新屋toilet爆大石
7. 如果仲覺得未夠, 同佢既鄰居看更講佢既惡臭事

海報3年展

為左彌補當年會考時A&D幾乎唔合格(其實本身既指數=0), 某一日去左城中的國際海報3年展, 每張海報都相當賞心悅目.

小妹最心動的是本地傑作- heromoism (毛*英雄主義)

日本的創作也非常驚喜:

還有鬼佬出品的...

跟走私客與螢火蟲相伴的一晚

0係flickr認識了幾位公公婆婆影友, 其中一個granny係退休banker, 有一個係瑞典grandpa, 打算去晒泰越柬三角, 有一個更是great grandma, 有2個great grandchilden. 從不同的渠道, 都看過婆婆大學畢業, 公公唔識英文去南極睇企鵝... 到達如斯年齡, 仍有如此衝勁, 真是很大的福氣. 反而自己就想多過做 ---- 唔得再咁, 於是今晚就決定外影, 玩d新野. it's better to regret what u hv done than what u havent (paul arden講). 最後, 月全蝕呢晚就決定去流浮山(所以不排除受到月球引力的影響).

放左工,返到屋企, 飯都唔食就撲出去啦, 心知不用趕時晨的, 又不是去catch magic hour, 反正越夜越美麗. 很享受這種久違的急不及待心情. 去到流浮山時, 其實已經入黑了. 我開著小電筒, 四周亂掃一番, 剛好有2位大叔正在蠔灘修理機械, 其中一位用大燈照了我兩下後說:

"你去邊呀?"

我手指指說:"去果邊之麻..."

大叔: "你一個女仔去果度做乜!? 呢度夜晚好多人走私架, 上個星期六先周左班人... 你仲拎住個電筒仔周圍照... 唉..." 一邊說,我感覺到佢好似擰住頭講野咁...

"哦..." 除了這個字, 我還能說什麼?!

大叔: "地下乜野都有, 好危險的...." "你去果邊嗎? 唉, 我照住你行喇..."

我覺得大叔其實是苦口婆心的, 忽然間, 幻想到大叔有三個仔女, 佢大大下時就唔聽佢話了, 而且仲當佢冇到的....

有大叔照住, 我去到想去的位置, 影了好幾張野. 其實已經過了一個多小時了.... 大叔也收工了, 但我還有好幾個trial shot未試, 當自己一個人時, 心裡真的有點不安的. 幸好, 飛來幾隻螢火蟲陪伴住. 這是我第一次看見螢火蟲, 很可愛啊, 心才安定下來. 就是這樣, 過了一粒鐘... 影了幾張沒有月亮的月全蝕夜照片.... 最後安全番到屋企.

--------------------------------

以上是一個多月前的事...

more recently :

上個週末, 行行下入左去一間vcd shop, 見到做特價的一欄內有vcd的女主角好似鄭中基, 我指住問朋友是否鄭中基扮女人的電影, 細看之下(我們看了5秒先發現!)竟然係一隻4仔. O-M-G-! 4仔,工具影碟是也! 我想像不到會有雄性朋友會以鄭中基為對象吧! 女主角的樣貌如此, 心想怪不得落入特價貨一堆中!

更奇怪的是, 臨走時, 我再瞧特價貨埋一眼, 鄭中基局然比人買走了!

乒乓絕交

weekend去了朋友家作客, 亨用會所設施當然成為指定動作. 友達某大叔一來, 就說自己屎急... 0那就去應約call of the nature吧! 大叔又推說自己不能控制云云...

乒乓場上,我與大叔是一隊, 大叔的太太一見佢上場,立即戴上電單車的頭套,大家的危機觸角於是醒來,不詳預感是也. 我補充一下, 打羽毛球時,大叔既target係對住對手的面打的,我地(唔單止丹妮)每次接唔到球,都會被打到臉的!!! 我諗下次要以周生的語氣同佢講: 打還打,千祈唔好打面呀大叔!

講番乒乓波,大叔就向著對手的身打,打到對手呱呱叫; 其中一個朋友於國內工作,工餘就係乒乓. 國內,高手雲集,他可以說是被國家隊訓練出來...可惜都敵不過大叔! 我明白到接唔到佢的波就要即時閃開, 這是打波的另一境界.

之前,丹妮一直都不喜歡打乒乓,但是經過星日之後, 完全改觀, 還約大家下次再來!
乒乓---好玩呀!

--------------------------------------

ps 剛剛友達報告外面見工情況,原來有d老闆選人時,要考慮面試者的出生時晨....咁迷信的人9成都是不可理喻的!不做也罷! (可惜,友達已經給了他的8字... 從另一方面睇, 如果你唔旺佢, 你都唔會有chance, 佢最後真係請左你,就一定信你旺佢,可能齋坐0係office都有價值)

Pabuk (trial)

Pabuk, originally uploaded by ★danise★.

打8號風球果時出去影的 (今次試用另一方法upload, 又得wor!). 早放工, 就約埋d朋友出去. 好驚險的一次.

遠遠超越$180的樂趣

(Holga 120GN - from flickr.com/photos/jaems)

.

家陣先來玩holga, 似乎真係落後左d. 不過, 真係估唔到, 一個價值$180的120GN, 係可以帶給人咁興奮同咁開心既心情. holga有2個format可選: 6x6 (一張相的菲林是6cm x 6cm,是一般用的菲林24x36mm足足四倍咁大) or 6x4.5, 太好了,現在我只用6x6; 近來迷上了square format, 明明用landscape/portrait format來影的相, 也一定crop到正正方方(cropped square format), 扮晒野咁話啦! 現在終於可以明正言順影true square format了!

.

holga係fixed shutter time and fixed focal length 既機, 換言之, 每次的曝光時間都是硬的(1/100s). 多重曝光(multiple exposure)又非常易操作, 只要不拉卷就可以. focal length都係fix 0係60mm(equivalent to 35mm camera的40mm左右吧!), roughly相等一隻眼睛所能望到的angle of view再闊一點. 光圈只有f8同f11, 兩個亦都係好common用到的setting.

.

要set focus, 仲簡單. 佢0係機身上mark左人,樹,山等符號代表不同的focus distance. 用holga影,因為係toy camera grade既關係, 影出來的都係soft focus, 所以如果好似龍友們追求sharp sharp sharp, 那你就一定很失望了---- 不用太認真吧!

.

加上一個特製的shutter wire 連adaptor, 就可以用B快門了. long exposure 同double exposure都係近來想多多explore的, 用holga就完全可以滿足這要求了!

.

而且holga本身又出了自家用的filter. 幾廿蚊就有一set, 個holder都係10蚊有找!

.

不得不介紹佢有出品35mm菲林的holder! 之前看過網上有人介紹用medium format camera來影全景相(panoramic photo), 就是這樣了. 嚴格來說, 此方法並非true panorama, 雖然如此, 但也十分過癮呀!

.

我最愛他輕巧(200g ja!一隻手指都拎得起!), 方便, 又易用及多變化.

.

之前, 問了paul借了一部medium format 的camera來玩, 個名叫Mockba-5, Zeiss Ikon Super Ikonta C的copy, 佢地就叫佢做M5, 叫叫下, 就當左佢係同Leica的M系同宗(傳聞d大話講一千次就成真!). 現在仍未物歸原主(好似某d地主,霸霸下就有可能屬於自己了---無賴...講笑).

.

就於這次經驗, 學識了上菲林等. 有件事, 始終都未太過到, 就係把影完的菲林封口時, 要用到口水. 所以, 我盡量都避免去碰別人影完的那卷菲林.

.

網站推介:
http://www.allisonvsmith.com/
Allison係based in美國Dallas的photographer, 佢多數以哈仔及holga影相,最欣賞佢懂得以簡單幾何構圖, 既simple 又 strong. 佢就係我近來學習的對象.

.

.

(Mockba 5 - from camerapedia.org)

Sexy Hassie

(from www.hasselblad.com)

簡直令人腎上腺素急速上升!

1. 2. 3

同事系列 - sexy gradE

朋友的公司office有個做了兩年的GradE(工程見習生). 女孩子來的. 從英國學成歸來, 都算sexy. 話說有一次, 有個E(工程師)路過, 撩她說話:

E: xx, 好忙呀.... 你搞緊d乜呀?
G: 點呀扑街?

怎料GradE第一句就如此狠, 個E都當然嚇了一跳.

E: 乜妳咁講野架.
G: 有問題咩?!我叫你個名之0麻!

附近的同事聽到, 都忍不住笑了出來.

大魚賴爸爸

住我隔離的姓賴, 賴家的爸爸可算是看著我長大, 當我未入幼稚園時, 與dan爸搬入去現在住緊間屋, 他看見賴家的膠地板綠得很順眼, 於是買同色同款, 兩家人一地都是綠色, 連我家的鐵閘也跟賴家一樣的. 直至數年前大裝修屋企兩家才不同.

賴爸有2個兒子, 大仔今年剛剛考入去做差人, 細仔是消防員. 從很多年前搬入去開始, dan媽叫他們做"賴屎仔". 老實說,每次都搞不清楚她講是大的賴屎仔還是細的賴屎仔. 但他們都叫我做嘉嘉姐姐.

賴爸最近養了隻狗, 就暫且跟少主人一樣叫佢賴屎狗啦. 叫牠做賴賴屎狗還有另一原因. 賴賴屎狗雖然是一頭黑色的大狗, 但大大的身軀下, 原來勁膽小. 於是, 有一次就走去嚇鑊牠. 很簡單, 向牠方向快跑2步, 嚇得牠立即跑回飯廳內賴屎. 賴爸就笑牠膽小得要命, 真是一頭賴屎狗!

賴爸的人緣不錯, 為人又風趣, 我差不多每天返工都遲到, 多數都在樓下撞到他, 他說:"你今日要返學咩,放暑假啦... 死喇,你今次一定訓留堂喇..." 他跟大魚傳說入面的爸爸d相似的地方, 就是成日都亂吹水. 於我家附近的水牛嶺公園一向都是區內晨運好地方, 公園內有棵蕉樹, 傳聞好孟鬼的. 賴爸說有一次晨運之後坐在蕉樹下的長椅, 聽到有把聲音說:你~唔~好~坐~住~我~隻~手~呀~.... 如此爆笑的鬼故事,局然有dan媽如此信徒!

Acquario by Art Wolfe

Fire in the sky

, originally uploaded by ★danise★.

似唔似個天著火!

年齡,修女,牛排

1. 年齡

作家王爾得的名言(我唔知佢係邊個來架!) -----"會告訴人家自己實際年齡的女人,最不值得信賴. 女人如果連自己的年齡都敢說,那她什麼其他的話都敢講了."

我諗落又覺得佢好0岩. 平時成日都大大聲咁講自己今年幾多歲, 又真係乜都講得出口... 聯想到朋友的ah b,有一次,特登企上張椅上好大聲好自豪的叫: 我-賴-左-尿-呀-!! 搞到屋企人好embarrassed,童言無忌,似乎也同出一徹.

_______________________

2. 修女 (aka Nacho Libre 真人版)

Nacho Libre 入面由Jack Black主演的神父,愛上了修女,為了替教會的孤兒籌集生活經費,實現自己的理想,成為了摔角手!

換來現實版的, 是一名叫娜拉(Noella Marcellino)的修女.

一向以來對神職人員都有一顆"敬畏"之心, 覺得他們傳統得來又神聖. 原來0係connecticut的某間church入面的修女,在俗世時都是律師,CEO,學者,artist等的人,她們的知識智慧水平加埋,可能已經超越康港李氏企業的管理層了!(所以,"peak"除我邪惡的心,我想我做修女都做唔到!)其中一個,就是這個Noella修女了!


Noella出家時去進修,她最叻的, 就是做cheese,被人稱為the cheese nun. 原來要做好cheese,係一件非常複雜的事,因為太多情況可以出錯,令到unwanted的菌滋生,製造出不需要的味道. Noella能做出最好味的傳統活cheese,已經在cheese界出晒名,the new york times都訪問佢!還有一部紀錄片描述佢發明做cheese方法既經過 (http://www.amazon.com/Cheese-Nun-Sister-Noella-Marcellino/dp/B000FGG62K)...



_______________________


3. 牛排

如果你同我一樣有這個疑問,希望你睇完呢段之後,唔好自己嘗試一番.

-----唔知點解0係高級餐廳的牛排永遠都好味過自己整果d咁?

原來d牛肉會放入個冷櫃(高溫過零度架!)入面,放幾個星期. 幾星期後,牛肉表面通常上都會發晒霉,厚厚的,而果d脂肪會變成奶白色的. 要把那些霉清除之後,先煮來食.d肉變得好味,唔係因為果d霉,而係因為酵素. 隻牛瓜左,屍身變得僵硬,之後細胞內的酵素會做野,令牛屍的肌肉鬆弛同分解,於是食落去口感好d!

PS 哈哈,呢樣可以試---果汁都有類似的作用,聽講以kiwi juice的效果最好,30分鐘夠晒!
_______________________


PPS 冇錯, 這個blog的3個主題---年齡,修女,牛排, suppose是沒有關係的---完.

Silhouette of Diamond Hill District

Silhouette of Diamond Hill District, originally uploaded by ★danise★.

after receiving my new babie for 1+ month, i finally took it with me and had a few shots in a hot hot summer weekend. (otherwise, by brot will take it from me!!!) this is by the swing-head widelux F7 hehe

A "lonesome" cloud among the clouds

A "lonesome" cloud among the clouds, originally uploaded by ★danise★.

似唔似一舊shit?